Nunap kommuniini inuusuttut
2014-imi kommunit sisamat ataani titartakkami takuneqarsinnaapput. Kommunini akornanni eqimattakkaarlutik agguaqatigiissinnerisa assigiinngissutaat tassani takuneqarsinnaapput.
Titartagaq 6. 2014-imi najugaqavissut 16-it 25-illu akornanni ukiullit agguaanneri, kommunit malillugit
Najoqqutaq: Naatsorsueqqissaartarfik – kisitsisaataasivik takujuk: (http://bank.stat.gl/UDNUMG1)
Kommuni Kujallermi ilinniartut agguaqatigiissinnerat ukiup naalernerani 33 procentiulluni annerpaasimavoq suliffillillu 31 procentiusimalluni. Qeqqata Kommuniani agguaqatigiissillugu 42 procentinik annertunerpaalluni sulisoqarsimavoq tamannalu ilutigalugu inuusuttut sullinniakkat agguaqatigiissinnerat kommunimi minnerpaasimalluni. 2014-ip naalernerani Qaasuitsup Kommuni inuusuttut sullinniakkat agguaqatigiissinnerat 44 procentiulluni annertunerpaasimavoq.
Najugaqavissut 16-it 18-illu akornanni ukiullit agguaanneri kommuni najugaqarfik malillugu ataani titartakkami takuneqarsinnaapput.
Titartagaq 7. 2014-imi najugaqavissut 16-it 18-illu akornanni ukiullit agguaanneri, kommunit malillugit
Najoqqutaq: Naatsorsueqqissaartarfik – kisitsisaataasivik takujuk: (http://bank.stat.gl/UDNUMG1)
Inuusunnerit 16-it 18-illu ukiullit qiviassagaanni Kommuni Kujallermi ilinniakkanit ingerlatsisut agguaqatigiissinnerat 36 procentiulluni annerpaasimavoq. Qeqqata Kommuniani inuusuttut sullinniakkat 43 procentiusimapput, taamaalilluni kommunimi pineqartut agguaqatigiissinnerat minnerpaasimalluni. Qaasuitup Kommuniani aammalu Kommuneqarfik Sermersuumi inuusuttut 16-it 18-illu akornanni ukiullit affaat sinnerlugit ukiup naalernerani ilinniartuunatillu suliffeqarsimanngillat. Qaasuitsup Kommuniani agguaqatigiissinnerat 59 procentiulluni annerpaasimavoq.